“Xəyaldan gerçəyə”: bakalavr, magistr və PhD tələbələrinə 2 500 AZN təqaüd

Təhsil xərcləri xəyallarınıza mane olur? “Huma Quşu” Fondu “Xəyaldan gerçəyə” təqaüd müsabiqəsinə yenidən start verib. Seçiləcək 6 qalibin hər birinə 2 500 AZN təqaüd veriləcək. Müsabiqə Azərbaycanda və ya xaricdə bakalavr, magistr və ya PhD təhsili alan, yaxud almaq istəyən gənclər üçündür. Son müraciət tarixi 15 dekabr 2026-dır.

Kimlər müraciət edə bilər?

1. Azərbaycanda və ya xaricdə yaşayan Azərbaycan vətəndaşları
2. Müraciət zamanı 16–35 yaş aralığında olanlar
3. Yüksək akademik göstəriciləri olanlar
4. Ailədə adambaşına düşən gəliri 600 AZN-dən az olanlar (maliyyə sənədləri ilə təsdiqlənməlidir)

Necə müraciət etməli?

1. Ərizə formasını fondun saytından yükləyin: humagushu.az/az/Apply
2. Onlayn esse suallarını cavablandırın: humagushu.az/az/essay. Cavablar avtomatik saxlanmadığı üçün onları əvvəlcədən hazırlamaq məsləhətdir.
3. Sənədləri humagushufund@gmail.com ünvanına göndərin. Mövzu hissəsində təqaüdün adını yazın.

Göndərilməli sənədlər

1. Ən son qiymət cədvəli
2. Ailə üzvlərinin gəliri barədə maliyyə sənədləri və/və ya iş yerindən əmək haqqı göstərilən arayış
3. Ailə tərkibi haqqında arayış
4. Təhsil xərclərini qarşılamaq üçün lazım olan vəsaitin hesablanması (fondun nümunəsi əsasında)

Diqqət:

1. Bütün sənədlər bir email-də göndərilməlidir. Düzəliş lazım olsa, hamısını yenidən bir məktubla göndərin.
2. Sənədsiz onlayn müraciətlər natamam sayılır.
3. Bank kartından çıxarış maliyyə sənədi kimi qəbul edilmir.
4. Esse suallarını cavablandırarkən süni intellekt alətlərindən (ChatGPT, Gemini və s.) istifadə etmək qadağandır.

Seçim mərhələləri

1. Təqdim olunan sənədlərin müzakirəsi
2. Müraciətlərin qiymətləndirilməsi
3. Müsahibə
4. Qaliblərin elan olunması

Tövsiyə: Esse suallarına öz sözlərinizlə, səmimi cavab verin: məqsədiniz nədir, təqaüd sizə nəyə imkan verəcək və gələcəkdə cəmiyyətə necə töhfə vermək istəyirsiniz? Arayışları toplamaq vaxt aparır, ona görə sənədləri indidən hazırlamağa başlayın.